Strada dla Val Badia: al vëgn desgort lëgns püri

Data

02 de messel 2025

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dai 8 ai 11 de messé vëgnel da Longega ite tut demez lëgns atocá dal chefer dla scorza. La strada resta daverta, dales 18:00 ales 22:00 él n sëns unich alterné
Sciöche an á odü da püch, bastel n pü’ de vënt o de rî tëmp por lascé raité jö lëgns morc sön la strada dla Val Badia. Por sconé i ciafers, vëgnel sëgn tut demez lëgns atocá dal chefer, plü avisa dai 8 ai 11 de messé, da Longega ite sön n toch de za. 2,5 km.
Por limité le plü che ara vá les groaries por le trafich, resta la strada regolarmënter daverta ia por le de y tles ores dla nöt; dales 18:00 ales 22:00 él indere n sëns unich alterné, vigni 15 menüc. Che al vá debojëgn da fá chisc laurs, é ince la convinziun dl assessur Daniel Alfreider, che dij: "Mantigní la segurëza sön nostes strades á por me sciöche assessur competënt la priorité. Na planificaziun efiziënta y n’acordanza detaiada di intervënc danter le Sorvisc Strades dla Provinzia y les dites, impormët da tigní la strada daverta tratan i laurs."  (pablo)