La Usc di Ladins

La Val de Fascia Running 2025 l é stat la più scombatuda, con la venta de doi atlec che no era mai stac anter i protagonisć de la edizions passèdes: Italo Cassol de 27 egn da Sedico de La Recastello Radici Group, che à tout pèrt per la pruma outa, e Sarah Aimee L’Epee che enveze cognoscea jà la manifestazion, se à portà a cèsa la maia bruna e la maia resa de leader e soraldut i trofees de la edizion numer 24, che do n an de paussa é endò stata endrezèda sot la direzion de la sozietà Gregn Evenc.

La garejèda, dai 22 ai 27 de jugn, se à spartì te 5 tapes per en dut 56 chilometres: la pruma a Moena con 250 scric ite e chiò a venjer sul percors de 9,6 chilometres e 350 metres de dislivel l é stat l maratonet kenian Benjamin Serem e Luna Giovanetti. Serem purampò, ence se semper tedant, no l é stat bon de taèr la veta ence l dì do te la tapa de Cianacei, 11,08 km. e 408 m. de dislivel, ajache l prum sciaier é jit a Italo Cassol; terzo l é ruà Simone Manfroi.

Se pel lejer dut su La Usc nr 25 dai 4 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)