La Usc di Ladins

Per l terzo an l é ruà te Fascia la squadra de ziclism internazionèl Soudal Quick Step con i team de ic e de eles per se enjignèr ai apuntamenc sportives del istà e del uton. I coridores i restarà te val fin a la fin de messèl ghesć del Hotel Cristallo sun Sèn Pelegrin olache i troa pèsc e aria bona per se ciarièr per la garejèdes che vegn. La Soudal Quick Step l é l team che acà vèlch setemèna à passà via la mile ventes e per chest l é segur n onor l’aer te val. »Sion contenc de poder jir inant con la colaborazion con na squadra coscita forta – à dit Nicolò Weiss diretor de l’ApT de Fascia. Nosc teritorie raprejenta la situazion ideèla per enterzèr l empegn del arcedament ai momenc de relax.«

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)