La Usc di Ladins

De plu atlec y atletes di Gherdëina Runners à l'ultima sada, ai 30 de agost, fat pea pra l "Erdäpfllauf", na garejeda te Puster che toca pra la garejedes di TOP7. N ie piei via a Burnech per ruvé do 17,6 chilometri a Sand in Taufers. L atlet di Gherdëina Runners Luca Clara à venciù la garejeda cun n tëmp de 57 menuc y 36 secunc.

Ntëur al Mont Blanc se à l ultima ena, dai 25 ai 31 de agost, ancuntà atlec y pasciunei dl sauté da mont su da dut l mond per la garejedes UTMB du Mont Blanc. N merdi ai 26 de agost à la alteta di Gherdëina Runners Martina Cumerlato fat pea pra la ETC, la garejeda plu curta dla de ndut sies garejedes. L se trata de na garejeda a Courmayeur tla val d'Aosta cun na lunghëza de 15 km y n deslivel de 1200 D+. Pra l'ëiles à venciù Madalina Florea cun n tëmp finel de 1:30.55. Martina Cumerlato se à batù scialdi bën, ruvan al 10ejim plazamënt cun n tëmp de 1:44.37. Ëila fova la segonda miëura ëila dla Talia.

Per i Gherdëina Runners, Manuela Perathoner

L articul ntier tla edizion nueva de La Usc di Ladins de n vënderdi ai 5 de setëmber.