La Usc di Ladins

Te la toponomastica de Fascia l inom Frèina se l troa tant ta Cianacei che a Poza e te sèn Nicolò; desche cognom vegn sobito tel cef te la Val Badia l cognom del sènt ladin Freinademetz. Che segnificat che l à no sé da ve l dir, ma segur chest cognom te noscia val l mor fora. Enstadì l é vegnù te redazion de La Usc Laura Freina, na femena da foradecà che à reisc fascènes (sie giaf Giovanni Battista Freina l é nasciù sa Vich ai 26 de messèl del 1886, fi de Luigi e de Domenica Lorenz). La ne à contà chel che l’à descorì sun sia familia.

Da olà nascel chesta curiosità per voscia familia?
Laura Freina De 16 egn presciapech é vardà fora la veia fotografies de mie giaves e é fat n album. Del Trentin saee pech o nia. Son doventèda semper più curiousa ence percheche vegnie te Fascia d’istà ai fresć. E amò apede, l cognom Freina l é belebon rèr e l mor fora, n’autra rejon per esser curiousa.

Podede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Nicoletta Riz)