La Usc di Ladins

L fova l’ultima garejeda dla sajon. Y n se n ntendova de chësc nce dala temperatures, bele scialdi da d’ansciuda. Sun Plan de Gralba ova la lia Lueses Gherdëina cun l aiut di genitores njenià ca dut a puntin per la garejeda di campiunac regiunei de luesa sun purtoi naturel. De ndut 139 atlec y atletes à fat pea, dala cuarta elementera insù, la gran pert dl Sudtirol ma l fova nce na scuadra de Fiera di Primiero. L ie unì fat n alenamënt danora y dopro la garejeda.
“Son scialdi cuntënc che l purtoi ebe tenì, ajache l fova do la rata scialdi ciaut. Japé fòvel ngali danz na loca per chëi che univa ju, ma la à butà”, nes à cuntà Doris Perathoner dla lia Lueses Gherdëina. Ëila alenea i pitli y gran atlec deberieda cun Philipp Hofer de S .Cristina.

Elisabeth Kostner

L articul tla edizion atuela de La Usc di Ladins.