La Usc di Ladins

N dumënia passeda à i atlec de Gherdëina Luca Clara y si pere Nando Clara tëut pert ala Lessinia Legend Run tla montes dla Lessinia tl Venet. Tlo pudòven se crì ora la trassa. L nen fova de plu longes y de teles plu curtes, danter 50 y 10 chilometri. Sibe l start che l travert fova a Velo Veronese.

Nosc atlec di Gherdëina Runners à fat pea pra la garejeda plu longia, chëla de 50 chilometri y cun 3.400 metri de deslivel. Luca Clara ne n’ie inò nia stat da bater. L à venciù la garejeda cun n tëmp finel de 5:25:22. Si pere Nando Clara à fat pea pra la garejeda de 30 chilometri cun n deslivel de 1.970 metri.

Nce a nosc atlet Alex Oberbacher de Urtijëi ti àla. n dumënia scialdi butà: l ie stat bon de vëncer la Latemar Skyrace, na garejeda de sauté da mont su de 25 chilometri y cun 1.680 metri de deslivel.

Per i Gherdëina Runners, Manuela Perathoner

L articul va inant tla edizion nueva de La Usc di Ladins de vënderdi ai 19 de setëmber.