La Usc di Ladins

Rua endodanef i 3 ponc per l Fascia Balon de gra a la venta contra l Predaia. Dant de ve dir de la partida però ve dijon che duc i bec de president Trottner é jic sul ciamp con n segn checen sul mus per dir duc ensema de no a la violenza su le femene. Auter segn che à uzà fora l valor de squadra l é stat che duc à didà a spalar ajache l ciamp de Cotura l era scuert de neif.

Per chel che varda la partida ti prumes menuc l é i ghesć che jia miec e i proa a ge dar cruzies a la defendura fasciana ma zenza esser pericolousc. Col jir di menuc i bec de mister Capovilla taca a ciapar semper più ciamp e entorn a mez del prum temp rua la pruma ocajion co la trata da cet dai 25 metres de Massimo Lorenz che l portier nonesc para.

Se pel lejer dut, con classifica e resultac de la squadres mendres su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Pierpaolo Rasom)