La Usc di Ladins

L an 2026 l é peà via sobito con na mozion de la Neva UAL. L capogrop Amedeo Valentini e i componenc del grop consiliar Damiano Bernard, Riccardo Donei, Luca Follador, Andy Rossi e Luca Zacchia, ge à portà dant a la fin del an 2025 na proponeta de mozion che l Consei General, con sia presidenta Tea Dezulian, cognarà tor dant te la pruma scontrèda che vegnarà chiamèda ite.
La mozion pea via dal cognosciù problem de la mencianza de cartieres da poder comprèr o ence tor a fit a n priesc possibol da man de jent che stèsc o laora te noscia val. 
L Grop Neva UAL à vedù che na resposta emportanta, che podessa joèr, é stata metuda en doura da pech te n post turistich talian che à l medemo problem, e l à pissà donca de portèr dant na proponeta medema.

De più su La Usc stampèda dai 16 de jené, da ciapèr te la boteighes de sfoes de la valèdes ladines o su abonament (info:www.lausc.it/abo o abo e-paper)  (LG)