La Usc di Ladins

Bëgn dui iadi, naota en la nöt de Nanü y ciamó la nöt atira dedô, s’á deplü auti slaiché ite tl percurs dla pista de paslunch por anuzé la lerch dl areal dan dal zënter de paslunch sciöche plaza da rally y drifting. I responsabli dl zënter de paslunch a San Ciascian á porchël batü la man sön mësa, do avëi ciafé la pista da paslunch deplü dis indolater rovinada da na te sort de »bravada«. 

»La reaziun do la pröma sëra é stada plütosc de sorpresa, al ê bel dî che val’ de te ne gnô nia plü a s’al dé. Le dann ala pista do la pröma sëra ê ciamó mënder y al ê meso da gestí la situaziun. Le desplajëi é sté maiú do la secunda sëra, canche le dann ê maiú y la pista se presentâ daldöt desfata. Zënza bate danü, ne fossera nia jüda da pratiché le paslunch te chël post«, dij le diretur dla scora de paslunch Egon Pescoll­derungg, sön la situaziun cun chëra che i responsabli dl zënter de pas­ lunch y biatlon a Sciaré é gnüs confrontá ti pröms dis dl ann nü. 

Saurí y da deplü perts ti röion pormez al percurs de paslunch. Porimpó él gnü constaté tles mede­mes sëres ostriades do le tru di ciavai, sön la trata danter le Hotel Valparola y la Capanna Alpina. Valgamia na bela roda é i auti gnüs pro da se fá sön le percurs. Nia aspeté ne s’ess chisc da gní abiná sön le fat: les telecameres de sura­verda dl zënter de paslunch á tigní sö i momënc dl »drifting« tl areal atira dan la strotöra. Le sospet toma sön porsones dl post.


Liede deplü tla ediziun nöia da incö, vëndres ai 9 de jená!