La Usc di Ladins

De ndut 120 atlec y atletes da 17 paejes se à ndesfidà l'ena passeda, ai 8 y ai 9 de jené, sun l purtoi Salizzona de Fondo Grande a Folgaria. Tlo iel unì metù a jì cater garejedes de Copa Europa de snowboard paralel.

Mé per n pëil ne n'à la jëuna de S. Cristina Sophie Rabanser n vënderdi nia venciù na bedaia. Batan la polaca Dawidek y Daria Belova à Rabanser arjont la semifinela. Tlo messòvela furné ju contra la austriaca Pia Schöffmann, che ie purtruep stata plu asvelta. Nce tla pitla finela per l terzo plazamënt ne ti àla ala jëuna de Gherdëina nia drë' butà: la ne n'ie nia stata bona de bater la austriaca Jessica Pichelkastner, ruvan ala fin dla finedes cuarta. Mpo ie chësta bedaia de lën na bela sudesfazion per Sophie Rabanser.

EK