La Usc di Ladins

Le salf dl Istitut Ladin Micurá de Rü s’á implí valgamia aslöm en sabeda sëra, ai 20 de dezëmber. 
Le publich rové adalerch por la »Gran Incüntada«, la presentaziun dl »Cülënder Ladin 2026«, ê maiú co chël che le grup de jogn s’ess aspeté. »La bona partezipaziun dla comunité y süa bona man, á surpassé dötes les aspetanzes« – insciö le grup dl »Cümité«.

Deplü s’ascogn do le »Cülënder« y chësc á i jogn dl »Cümité« porté dant en chësta sëra ai mëmbri dla comunité. I jogn á presenté le proiet original söla basa dla scomenciadia a fin de bëgn, portan dant les tematiches atuales, cun chëres che le grup se dá jö. Cun umor, ironia y nia püch contrast, trata i jogn tematiches sozio­-culturales, se tacan ite ala discusciun dl momënt. 
La presentaziun dl proiet é gnüda acompagnada da n bufé y le grup »Louis and the Space Travellers« á pité intrategnimënt musical cina ala fin dl evënt. Te chësta ocajiun él ince sté meso da cumpré le calënder. 
I mëmbri dl Cümité á intratan lascé alsavëi che a gaujia de n fal de stampa él gnü partí fora en la sëra dla presentaziun la verjiun nia ciamó intiera dl calënder. Por chi che oress, vëgnel pité la po­ scibilité da baraté jö la verjiun nia completa cun chëra atuala. An pó contaté i mëmbri dl grup direta­ mënter o tres le profil Instagram @culenderladin.


Deplü da lí ciafëise tla ediziun nöia de La Usc di Ladins, publicada ai 9 de jená!