La Usc di Ladins

Do n percors de passa trei meisc, con la 22^ giornèda jièda fora en sabeda ai 3 de jené, se à serà su la sajon regolèra e la pruma fasa de la Italian Hockey League. Ades la squadres se conzet na paussa fin ai 17 de jené, canche scomenzarà l Master Round e l Qualification Round. Endèna l tour de force sot la festes da Nadèl i Falcons te la ultima trei partides dezisives con Eppan, Toblach e Aosta à vadagnà trei ventes per proèr l azes diret al Master Round e aer la segureza dantfora de poder jièr fora i playoff a scomenzèr dai chèrc de finèla.
Purampò, per sfortuna, duc chisc sforc no à portà al resultat sperà: i Falcons à serà su la pruma fasa con 34 ponc a la pèr col Perjen ma, a fèr i conc de la partides ventes anter chesta doi squadres, a jièr fora l Master Round sarà i ‘Picchi’ e chest vel dir che i ladins cognarà pontèr via dal Qualification Round desche pruma squadra restèda fora.

Podede lejer dut su la Usc stampèda dai 9 de jené, da ciapèr te la boteighes de sfoes de la valèdes ladines o tras abonament. Info sul sit www.lausc.it o tre la redazions de vigni valèda.  (Giorgio Pedron)