La Usc di Ladins

Julia poste te presenté en cört ai:les leturs:ies?
I sun la Julia Fistill, i á 30 agn y i sun da La Ila. Da dezëmber incá laori por le Sorvisc ai Jogn Val Badia. Denant ái lauré a Bornech te n zënter cultural ma­na­jé da n’asso­ziaziun taliana. Bele dailó me cruziái dla coordi-naziun di proiec por mitans y mituns.

T’es stada dî demez. Co él pa sté da gní indô derevers?
Sce, bele les scores altes ái fat de­mez y por studié sunsi jüda a Bologna, olache i á arjunt la lau­­rea desco educadëssa sozio-cul­turala, do avëi studié soziologia y avëi fat n ann de sorvisc zivil. Zoruch tla Val Badia sunsi da n per de mëisc. Chësc rapresentëia por me n gran mudamënt, mo n bel momënt de mia vita. Da tres á La Val Badia rapre­senté por me le daciasa. Cun le tëmp s’á tröp mudé y por le momënt ói me dé jö cun i debojëgns dles generaziuns jones da chiló. Sce an confrontëia nosta situaziun cun chëra de jogn te d’atri con-tesć, me vëgnel gonot da ponsé che i jogn da chiló á veramënter tröp: scioldi, poscibilités y na bela vita. Da jí fora de ciasa n’él nia prigorus, al é prësc n pice paraisc. Al é tröp bëgnester y tlafinada devënta chël le problem. Forsc él chësc che porta i jogn a chirí de­manco la cultura o les cosses plü scëmples. (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper