La Usc di Ladins

Chest an la compiesc 10 egn e la l fasc con gaissa e empegn. Rejonon de Fassa Solidale, la sociazion che fèsc pèrt de Trentino Solidale, che belapontin ai 28 de jugn del 2016 la tachèa ite sia atività de regoeta e spartijon de magnadiva a termen. Fin a canche l é stat bon l responsabol l é stat Floriano Bernard da Pera, da canche l ne à lascià, l era i prumes de dezember del 2024, sia ritajon é stata tout su da Giovanna Zancanaro da Vich che va inant con n bon grop de volontadives. Chesta sociazion à doi gregn meric: jir a tor su la magnadiva che vegnissa trata te bidon e la dèr fora a la families che à più debesegn.

L an passà l é stat tout su 3.500 chili de roba che fossa ruèda te bidon
»Mia mare la era ite te la sociazion da n bon pec de egn – ne conta Giovanna Zancanaro, la più joena de dut l grop – gio ogne tant jie a dar na man e canche Floriano l à tacà a star mal ge é stat più apede a ge didar coi papieres, dapò canche l é mort aon fat na scontrada anter i volontadives e é dit che aesse podù jir inant gio, ma l’aee metuda ló desche na batuda, enveze duc me à tout sul scerio e i à dit de sci e coscita la é stata.

Podede lejer dut su La Usc dai 27 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)