La Usc di Ladins

Con en lunesc ai 19 de jené la Crousc Checena de Fascia e Fiem à envià via n nef servije. Se trata del trasport de persones che cogn fèr radioterapia da la valèdes de Fascia e Fiem fin al ospedèl de Trent ajache a Ciavaleis no la vegn fata. La radioterapia l é un di pilèstres fondamentèi te la cura di tumores: presciapech l 60% di pazienc, te sie percors de cura, cogn fèr n zicle de radioterapia. Se trata de persones de spes stencèdes, più deboles per la malatia e la terapies, che de spes no se la sent de vidèr, no é bones de durèr i mesi publics o no pel fèr cont sun zachei de cèsa che pel i compagnèr. Epura i cogn jir ogne dì percheche chela cura, ence se la dura demò pec menuc, la pel fèr la desferenza. Da chiò l é nasciù chest projet.

Per i volontères de la Crousc Checena de Fascia e Fiem l é stat n moment emportant ence n vender ai 16 de jené, canche i à abù l onor de ge dèr l benvegnù te senta de Vich al President nazionèl de la Crousc Checena Talièna Rosario M.G. Valastro.

Podede lejer dut su La Usc dai 23 de jené da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)