La Usc di Ladins

N merdi sëira ie l Gherdëina furnà ora tl Vorarlberg per jughé contra l Bregenzerwald l segondo juech dla fasa de cualificazion dla Alps Hockey League. 

Bele tl prim tëmp ie l Gherdëina stat bon de mëter mpe l vantaje, che la scuadra à tenì dur nchin ala fin. Tl nono menut à i ladins fat l prim gol cun l pech fascian Sebastiano Soracreppa, puech do, tl 18ejim menut, à l tacajuech Matteo Luisetti trat ite l puck per l segondo iede. L prim tëmp ie finà via per 2 a 0 per l Gherdëina y l resultat ne se à nia plu mudà.

L Gherdëina ie do l juech contra l Bregenzerwald segondo tla grupa de cualificazion B cun 7 ponc, mé un n pont do l Renon.

N juebia sëira ai 19 de fauré jugherà l HCG mo n iede contra l Bregenzerwald tl stadio Pranives de Sëlva. 

EK