La Usc di Ladins

Pudëis’a Ve prejenté n curt?
Son Ruben Prugger de Urtijëi. É mparà zumpradëur y é fat la scola prufesciunela a Burnech. Nia da desmincë ie l ann de naia, ulache é abù l mesun de jì a Feltre, a Persenon y a Corvara. L ie stat n ann drët nteressant y bel.
Son maridà, é trëi mutons y é n luech da paur ulache zidlon ciavei. Cun l lëur da zumpradëur ovi scumencià dan feter 30 ani, da 25 ani incà éi mi firma. Son ruvà pra chësc mestier ajache bele mi tati fova n zumpradëur y ajache l me à for bele sapù bel a lauré cun l lën.

Cie ie pa l nteressant de chësc mestier?
Muesse dì che chësc lëur se à mudà dassënn, zacan fajòven plu fadia, al didancuei àn mascins che te juda, l svilup ie tlo stat grant y l livel ie al didancuei scialdi aut. Zacan fajòven mé tëc, al didancuei sons boni de fé cëses ntieres. L bel de chësc lëur ie che n possa lauré dedora. Sambën iel nce mpurtant che n mëte for a verda, ajache sce n ie sun n tët iesen for tl pericul. Dal auter cont muessi nce dì che la regules vën for plu y plu, perchël sons bën scialdi segur, davia che l ie pu nce sieves y cursc de segurëza. (SPM)

De plu tla edizion stampeda de La Usc di Ladins o sun l e-paper a paiament www.lausc.it/e-paper