La Usc di Ladins

L era l meis de mé del 1970 canche l CIO dezidea l'assegnazion de la XII edizion di Jeghes Olimpics da d'invern del 1976; vegnia cernù Denver, tel Colorado, che aea scomenzà del 1966 a lurèr per chesta candidatura. Ampò de fata do l era nasciù n moviment de oposizion al endrez di Jeghes Olimpics, per chi che l era stat pervedù n budget de 14 milions de dolars. Aló jà enlouta l cost economich e ambientèl era stat coscidrà massa aut da zachei, e enceben che i aesse dit che l 80% de la infrastrutures era jà verties, la oposizion crescea. Coscita ai 7 de november del 1972 l é stat metù a jir n referendum: la renunzia al endrez de la Olimpiades à abù la venta e Denver se à tirà en do.

Podede lejer dut su La Usc dai 13 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (Lucia Gross)