La Usc di Ladins

L alarm ie muet puech do mesdì: n pulmin ova pià fuech pra la pumpa dal penzin ta Zelin a S. Cristina. L pericul fova grant, l auto fova daujin ala pumpa y al gas, y perchël iel unì cherdà sibe i Destudafuech de S. Cristina che nce chëi de Sëlva, che fova riesc sun la luegia dla desgrazia. Per fertuna fova la persones bele states bones da sëules de destudé l fuech cun la bombules. Nscila à i destudafuech mé plu sprizà mpue d’ega per sferdé ju l auto.
Per fertuna ne se à deguni fat me. La grupa che furnova cun l pulmin, n valgun mutons y si acumpaniadëures da oradecà che jiva te Sëlva a fé na partida de hockey, à pudù furné inant cun n auter auto.

EK