La Usc di Ladins

Rua de bie resultac ladins da la Val d'Aosta, olache ti dis passé, a Saint-Barthélemy, se à dejout i Campionac taliegn de paslonch, con doi atlec che à portà a Moena la medaes de or.
La pruma é ruèda ai 27 de mèrz ai assoluc ti 10 km a tecnica ledia, olache a se vadagnèr la venta e la medaa più preziousa l é stat Giovanni Ticcò, clas 2000 de le Fiamme Oro. Do n moment pech positif chest atlet é do a se tor te chesta fin de sajon na bela reventa, e do la medaes de or dai 21 e 22 de mèrz a Santa Caterina Valfurva te la Fesa Cup, l à arjont chest bel ejit ence a livel nazionèl te n confront emportant e no sorì con etres atlec de livel mondièl e che ge à dat sodesfazions e speranzes per l zircuit mondièl te la sajon che vegn.
Ai 28 la medaa de or é jita enveze entorn al col de Caterina Ganz, finanziera moenata de 31 egn.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)