La Usc di Ladins

Ultima garejèdes de schi ence per la categoria Aspiranti che à dat fora i titoi de campions taliegn e che aea valuta ence per l Gran Premie Tèlia Dicoflor Under 18.

En mèrtesc ai 24 de mèrz a Alie l é stat la proes de libera de eles sun doi manche e chiò la miora de la taliènes l é stat Lavinia Paci (Eserzit) da Madonna de Campiglio ruèda 3^ assoluta ma sul podie l é ence Ingrid Riz del Ski Team Fascia che la é stata bona de vadagnèr trei posizions te la seconda manche e coscita se classifichèr 5^ assoluta e terza anter la taliènes e l’à podù coscita se meter la medaa de bron dintorn al col.

En mercol ai 25 te la seconda giornèda di Campionac taliegn Aspiranti de schi l é ruà adertura trei bela medaes semper per la eles. Tel superG la pruma l é stat Arianna Putzer del Schi Club Gherdena, seconda Lavinia Paci e terza se à endò classificà la fascèna Indrig Riz con n destach de 97 centeisemes da la pruma.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)