La Usc di Ladins

No fenesc fora ben l campionat del Fascia Balon ajache l é ruà la desfata contra la Bassa Anaunia. Sobito vertesc e via, do 15 seconc l é i ghesć che va vejin al gol co na trata dal mez del ciamp che brinca l pal a cencia del portier fascian, passa autres 30 seconc e rua la più gran ocajion per i fascegn con la trata longia de Michele Petrone del Pat per Massimo Lorenz che vegn sgamberlà dal portier ghest te area de rigor; dai 11 metres se prejenta Massimo Lorenz de Meca che però l fala ciapan l remenat aut.
Ence se l Fascia à perdù l é stat na beliscima giornada de balon al Cotura olache l é stat fat la festa che à fat da cornisc perfeta per l’ultima partida del capitan Luca Trottner de Dur e de Giacomo Deflorian Felix che lascia ló de jiar a balon; a ic va n gran rengraziament per dut chel che i à fat.

Podede lejer dut, con classifica finala e resultac de la squadres mendres su La Usc dai 29 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Pierpaolo Rasom)