La Usc di Ladins

Anter i apuntamenc sportives del scomenz del istà te Fascia l é la Val de Fascia Running sul calandèr dai 21 ai 26 de jugn. Chest an se festeja la 25^ edizion con de bela novitèdes che l Comitat de endrez de la sozietà Gregn Evenc se à pissà per festejèr chest cedean tolan su i sugerimenc de vèlch partezipant storich zenza aboncont straoujer l format aprijià da duc.
L é stat confermà la cinch tapes con l scomenz la domenia ai 21 con na garejèda che per la pruma outa vegn fata da le 6 da sera, con partenza e travert a Cianacei e do sarà na festa de inaugurazion con pasta party, musega e devertiment con la prejentazion da man del staff del program de la setemèna.  (MCI)