La Usc di Ladins

N centené de climber da duta la Tèlia se à troà en sabeda ai 13 e en domenia ai 14 de jugn te la palestra ADEL de Ciampedel per la finèla de Copa Tèlia de rampinèda sportiva spezialità Lead. En sabeda l é stat la semifinèles e chiò, sul percors endrezà dai tecnics de la Fasi, l é passà demò 24 ic e 24 eles che l dì do da doman se à endesfidà te la semifinèles e domesdì tel gran finèl.
No l é mencià la sorpreses te la tapa finèla: i venjidores defat no l é stat i favorii e nience i leader provisories de la classifica generèla do la pruma doi tapes de Pero e Varese, ma doi joegn che é do che vegn fora ben te chest ultim temp.
A la fin de la garejèdes l é stat la premiazions con l procurador del Comun General de Fascia Edoardo Felicetti, l ombolt de Ciampedel Alessandro Bernard e l diretor de l’ApT Nicolò Weiss.
Al grop de endrez del Val de Fascia Climbing ge é jit i complimenc de la Fasi, di passa 100 partezipanc e di tecnics prejenc, segn de la profescionalità arjonta te chisc egn e de la voa de esser protagonisć endodanef tel calandèr internazionèl.

Podede lejer dut suLa Usc stampèda dai 19 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (MCI)