La Usc di Ladins

Ai 22 de lugio ie l prim ntervënt stat sun Secëda, deberieda cun i Judacrëp de Gherdëina, per n’ëila che fova tumeda a jì a pe y se ova ntort na ciavidla. N à lascià ju l dutor y l sucoridëur cun n hovering. Do na terapia contra l mel l’àn trata su te joler cun na binda y ie julei limpea tl spedel de Persenon. Domesdì à l joler cueciun purtà aiut a doi persones sun Col Rodella: n ël fova tumà ju n valgun metri cun l parapënd y se ova fat mel a na sciabla. Ntan che n mediova l pazient, iesen unic cherdei per n auter ntervënt nia dalonc da iló. Pra n ël che fova sun piza, tla utia Col Rodella, se ova fermà l cuer . N à riesc arjont l segondo pazient, che fova per fertuna bele inò renvenì. L se ova ncucià cun zeche da maië y l dutor à tëut la dezijion dl mené tl spedel de Trënt.

De plu tla edizion stampeda de La Usc di Ladins o sun l e-paper a paiament www.lausc.it/e-paper