La Usc di Ladins

Ence chest an, descheche ne à contà Dennis Rasom de Onz, l é stat endrezà la 5^ edizion del tornoi de balon a cinch Soraga League. L taca ite chesta sera, ai 18 de jugn e l jirà inant fin ai 4 de messal. Sul ciamp de balon de Soraga se endesfida 11 squadre, con valch conferma e valch neva respet al an passà. Tel giron A jia: Sun Sela FC, Tibie e Peroni, FC Pizmeda, Cunie FC e US Litegosa. Tel giron B enveze l é: Nosbari FC, I Cater CC, Tutti Pazzi, FC Stortenham, I Vesini del Feudo e Tim Barak. 
I organisadores l é semper Dennis Rasom de Onz, Matteo Lorenz de Jan, Sebastiano Rasom de Gotart e Sasha Bianchi. Ence chest an l é stat binà su i sponsor che ge dasc na man per l endrez de dut l tornoi e de le feste, una sabeda ai 20 de jugn e una a la fin, sabeda ai 4 de messal.
Gran spetacol donca a Soraga, sport, devertiment e amicizia che lea chisc jiadores con la pascion per l balon.

Podede lejer dut su La Usc stampèda dai 19 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Monica Cigolla)