Cun 29,5 chilometri de lunghëza y 2.119 metri de deslivel suvier, à chësta garejeda de sauté da mont su scumencià da Madonna de Senales, sautan y passan via pra la Berger Alm per ruve de viers de Kurzras y passan per la utia "Schöne Aussicht", per ruvé su ai 3.251 metri de autëza dl Iceman Ötzi Peak, sautan ju de reviers passan via l lech de Finail y i "Finailhöfe" ntëur l lech de Vernagt, per ruvé inò de reviers a Madonna de Senales.
Alex Oberbacher de Urtijëi di Gherdëina Runners à venciù la garejeda cun n tëmp de 3 ëura, 14 menuc y 22 secunc. L cuinto post ti ie jit a Luca Clara.
L ie nce unì lità l cunsëi nuef.
De doi d'autra garejedes - y chi che ie śën a cë dl cunsëi nuef - pudëis liejer tl articul che vën ora n vënderdi ai 7 de agost.
N prim y n segondo plazamënt per Alex y Martina
N sada ai 1 de agost iel stat tla Val Senales l Alpine Sky Trail. De bon resultac per i atlec y l'atletes di Gherdëina Runners
Galaria retrac
View the embedded image gallery online at:
https://www.lausc.it/sport/32285-n-prim-y-n-segondo-plazament-per-alex-y-martina#sigProId98b8634b2d
https://www.lausc.it/sport/32285-n-prim-y-n-segondo-plazament-per-alex-y-martina#sigProId98b8634b2d
