La Usc di Ladins

Zacan rua i trei ponc de gra a la venta contra la Vigolana. Met man la partida e rua defata la pruma ocajion per i patrogn de ciasa: a valch vida la defendura fasciana bona de no ciapar l gol. Ti secondi 45 menuc la endesfida vegn jiada tel mez del ciamp e per via di tropes fai de le doi squadre no l é n gran ritm. Fin al mez del secondo temp canche rua l gol de la Vigolana.
Ge vel na bela azion per mudar la partida e la rua l ultim cart de ora dant da la fin, canche Michael Biloni de Pich vegn petà jabas te area de rigor e l diretor no à dubies. L dasc la trata dai 11 metres: Patrizio Deville del Bronza l met l balon te usc. Someassa che rue n auter gol e defat al 90° rua l gol de la venta fasciana con Michael Prinoth.

Na venta suada per i bec de president Trottner che ge à dat gaissa per jiar l derby contra l Fiem, insnet en mercol da sera al Cotura. Dodoman, en domenia ai 11 de otober da mese le 4 seconda partida de la setemana a Madrano contra l’Oltrefersina.

De più su La Usc stampèda de en vender ai 9 de otober  (Pierpaolo Rasom)