La Usc di Ladins

La setemèna passèda la squadres de IHL à jià fora doi partides per la terza e quarta giornèda de campionat, una de chestes via per la setemèna. Do la desfata te cèsa contra l Varese, l à endò podù grignèr ence l Fascia che l é jit a segn su la giacia del Pustertal Junior. Doi gol de Noah Berger tel prum temp ge dreza fora sobito la strèda ai joegn de coach Ambrosi; i aversaries ciapa ence l gol del 0 a 3 da Mikhnov al 17’45’’ del secondo temp en dopia inferiorità numerica. La partida va inant con fadia fin a la fin, con n terzo temp olache no sozede più nia. L resultat finèl l é coscita de 3 a 0 per i Falcons con l prum shutout de la sajon de n Paul Hofer perfet.
En sabeda l é stat jià fora la quarta partida de la IHL. Tel big match de la giornèda a la Raiffeisen Arena la endesfida anter Ciudar e Fascia resta a do a do belebon en equilibrie. La partida fenesc sul 0 a 3 per i aversaries che no descancela la bela prestazion e la sensazions ezelentes che rua dal team ladin contra la squadra miora de la lega.

I Falcons dodoman, en sabeda 10 de otober, jia al Gianmario Scola de Dèlba contra l Eppan, n auter aversarie senester e empegantif. La partida taca da les 18:30.

De più su La Usc stampèda de en vender ai 9 de otober

 (Giorgio Pedron)