La Usc di Ladins

Dan cunté velch deplù di juesc de chëst'ena passeda iel da purté na bela nutizia. L HC Gherdëina, campion dla Alps Hockey League, ie śën stat bon de abiné ca n bel cuntribut straurdiner. Chësc de gra ai cater Chemuns che uel nscila dé n sëni per la bela vënta, do 40 ani da canche n ova venciù l cuarto y ultimo campiunat talian. "Savon nce dl gran lëur che la lia fej, l gran mpëni per abiné ca truep scioldi che l se adrova, nce per la scuadres di jëuni," nscilal ambolt de Sëlva Tobias Nocker che nes à dat chësta nutizia a inuem de duc i ambolc de Gherdëina. "Judon gën, ma se on nce pertendù velch, nscila sons stac boni de s'la fé ora che duc i jëuni danter 12 y 18 ani possa jì a se tò na cherta per duta la sajon, na cherta che i giaperà per debant". 



Deplù tla edizion nueva de La Usc di Ladins dl vënderdi ai 9 de utober.