"La Volpe": Canche n film devënta na emoziun

Data

17 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do passa 50 agn él indô gnü proieté le film "La Volpe", che la RAI â tut sö i pröms agn Setanta a Al Plan, cun döt aturs y comparses dl post. Na emoziun por chi che â fat para, mo ince por chi che á conesciü les porsones che n’é nia plü danter nos. Y nia inultima n documënt de na manira da vire dadî passada
A tröc ti sál bel da ti ciaré ai retrac vedli, da odëi sciöche nosta jënt ê da jona, sciöche ara se vistî, sciöche nüsc paisc ciarâ fora, co che le vire se desfirâ. Sce an á indere la poscibilité da l’odëi te imajes vies y che s’armöi, él ciamó n iade val’ d’ater. Chësta poscibilité án albü le vëndres ai 6 de novëmber te salf dles manifestaziuns d’Al Plan. Canche i á lit che al gnô proieté le film dla RAI "La Volpe", n’âi degüna idea de ci che ara se tratâ; canche i á odü le salf toch y plëgn de jënt, y cinamai l’ombolt tla pröma linia, me ponsâi: "Ci blockbuster é pa chësc?". Canche le film á metü man, ái capí. En chë sëra él gnü mostré "La Volpe", n film de passa 50 menüc sot la regia de Gigi Volpati, che la RAI nazionala â tut sö a Al Plan i pröms agn Setanta, cun la particolarité che al ê döt jobleri y comparses dl post.

Deplü ves cuntunse t’La Usc di Ladins di 20 de novëmber, olache al é zacotan de imajes dl film.  (pablo)