La Usc di Ladins

L é ste n fin setemana plen de emozion e gran mujica per i musicisć de la Bánda da Fodom chël dal 24 al 25 de otober, che i é ruei a Lovere sul Liech d'Iseo, n provinzia de Bergamo. Na ncontada spetada da nen pez per rete l conzert fat dai amisc de la bánda de Lovere e Gaverina Terme nta Fodom. I doi dis i é scomencei co na vijita al paisc e dintournvia per cugnësce patrimone storich e artistich del territorio. A scomencé da la plaza prinzipal XIII Martiri de Lovere. Visei fora per le strade del zenter storich un dei "borghi più belli d'Italia", la bela clapada l'é ruada pro ala maestosité de la Basilica de Santa Maria in Valvendra ulache da sëra la bánda l'a tignù suo conzert. A caminé ncora fora per le vie de sto pico paisc s'a podù cugnësce la storia dei scecoi passei, liei ai mercánti de la tëla loverese, stofa trop pregiada sot la Republica de Venezia.

De plu tla edizion stampeda de La Usc di Ladins o sun l e-paper a paiament www.lausc.it/e-paper