Le Comité diretif dla Kronplatz Brand ("Lenkungsausschuss"), de chël che al fej pert les cinch cooperatives turistiches incër la munt y le Skirama, á incö tut döes dezijiuns importantes por le dagnì: da un n vers dess l’inom ladin "Plan de Corones" indô gní tut sö tl logo ofizial dl raiun turistich de Plan de Corones, y dl ater vers dess n grup de laur de consultaziun cun jënt dl post (en gran pert de Mareo) gní ativé tresfora por ti dé na usc y na valorisaziun ai valurs culturai y storics dl post. Coche le logo nü gnará a ciaré fora, ne sán nia ciamó, la agenzia de svilup dl corporate design se dará tosc jö impara. Da speré él che l’inom ladin sides dla medema grandëza dla diziun "Kronplatz" – tl caje contrar báion de na "descriminaziun simbolica" y "desvalutaziun" te nüsc confrunc.
André Comploi, diretur dla repartiziun ladin dla scora y cultura, baia naota do la sentada de "na chance fora de na crisa".
Deplü tla ediziun de La Usc di Ladins te trëi dis, en vëndres ai 20 de novëmber 2026.
Recuper dl inom "Plan de Corones" tl logo
Incö él sté na sentada importanta che dess avëi le fin da remplazé nosc inom storich
Galaria retrac
View the embedded image gallery online at:
https://www.lausc.it/valedes-ladines/val-badia/32931-recuper-dl-inom-plan-de-corones-tl-logo#sigProId2ece7a7af0
https://www.lausc.it/valedes-ladines/val-badia/32931-recuper-dl-inom-plan-de-corones-tl-logo#sigProId2ece7a7af0




