La Usc di Ladins

Lunes ai 6 de dezenbre ‘l ea 3 marade de Covid – 19 in Anpezo; ‘na setemana ignante i ea de 6, coscita s’in contaa 3 de manco. Dapò ‘l ea 6 parsones sarades in ciaśa, parcé che ‘s é stades pede a un marà. Boi numere, donca, co ra stajon che scomenza: vó dì che nos, ca inze ‘l paes, fajon duto polito, chel che ocore. Ades stajon a vede ce che suzede co ra stajon, co ra festes da Nadà che rua, con un gran reśiro de śente, che vien da agnochemai. Ra Ulss 1 Dolomiti da Belun, aduna col Comun de Anpezo, i à ciamà ra śente a se fei ra variola, śoiba ai 9 de dezenbre e śoiba 16, inpó el stadio Olimpico de ra jaza, agnó che se pó ruà co ‘l automobile, senza gnanche biśoin de desmontà, ma basta tirà śo el viere e sporśe el brazo. Par se voré ben.

Deplù te la edizion stampeda dl 9 de dizember.

ABONAMENT 2021 70,00 € por la Talia – INFO aministrazion@lausc.it

ABO E-PAPER https://lausc.it/abonament-e-paper-la-usc-di-ladins