Jane Perry, ricerca­trice e studiosa del Victoria and Albert Museum de Londra

Data

01 de jugn 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
R’é vienuda in Anpezo par vede ra mostra »Intrà fire d’arsento e e mas de oro«
Gramarzé de aé azetà de responde a alcuanta nostra domandes. Ci seo?
Son Jane Perry, son ricercatrice e laoro aduna con el Victoria and Albert Museum de Londra, ei projetà r’esposizion de śoies tradizionales che se pó vede inze chel bel museo, che ‘l é storico e inportante parceche ‘l à ra pi gran colezion de śoies tra­dizionales de duto el mondo, cheres che fesc parte parte del costume tradizional de ogni cultura o luó.

Aé scrito un libro su chiste ore leade a ra tradizios inze ra Europa del Otozento e sé drio bete śo un outro laoro, chesta ota su ra filigrana no solo europea, ma de duto el mondo, elo coscì?

Aì, e no parlarei solo de śoies, a ra dì duta. Vorarae fei un cuadro pi gran e ruà a parlà de cemodo che ra filigrana ra s’à evolù e r’é cresciuda da canche, via par el Zinchezento, i artejane i a scomenzà a ra lourà cemodo che saon anche nos, con un firo fin intorcolà, spanteà e fato su a trueles o rize, inze un teler de arśento o oro. Ignante del 1500 no se uśaa spanteà el cordonzin intor­colà, ma s’el lasciaa coscì, con una sezion tonda inveze che retangolare. A chera moda ra decorazios ‘s ea manco fises e tociaa śontà pize telere par tienì insieme el laoro e se riescia a creà solo i ore pi pize, come perlines o recis.
A spanteà el cordonzin, invece, i rize e ra spirales i vanza al so posto tanto pi fazile, no ocore pi outre tochete de metal da tienì il laoro aduna fora de ra so soaśes. El laoro ‘l é pi solido e el costa de manco! Chesto ‘l é chel chel ‘l é suzedù inze un zerto momento via par el Zinche­zento e, inze chel periodo, par me, i s’à anche inventà chesto noo gnon: »filigrana«. (Margherita Menardi Diornista)
 
De plu tla edizion stampeda de La Usc di Ladins o sun l e-paper a paiament www.lausc.it/e-paper