La Usc di Ladins

Ra dita Pizzarotti da Parma r’à dito che ra podarae fei su ra pista noa, in Anpezo, par ra gares de bob, skeleton e cocio, de ra Olimpiades d’inverno 2026. Lore i é pronte a jaà, inze ‘l bosco de Ronco, da fei su chesto inpianto, ma par ades i no pó scomenzà. Lore i à respondù al bando de i 18 de jenaro, fato da Società infrastrutture Milano Cor­tina 2026. Dapò Simico r’à vardà drio duta ra cartes, par vede se ’s ea a posto e dàel laoro. Intanto però i à da se ciatà chi de Fondazione Milano Cortina 2026, che i à da organiśà ra Olimpiades e ra Para­limpiades, in trope luoghe su i inpiante fate da Simico. Dapò ‘l é da vede ce che disc el Comitato olim­pico, che el no n’é par nuia d’acordo con chesto laoro e ‘l à senpre dito. Par i laore, i arae da tacà de febraro, se i vó fenì ignante de ra Olimpiades. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper