La Usc di Ladins

I tre rifuje, i troes, i sozie: par ra sezion de Anpezo de el Club alpin talian el 2023 ‘l é stà un an de laoro solito, nuia de stragno. Sarà ben depì da fei del 2024, canche sarà da bete man, da fei laore pi grei, al rifujo Palmieri, su da ra Croda da Lago. El presidente Luigi Alverà Bissi ‘l à contà duto chesto a ra foula de i sozie, che ‘l an pasà i ea de 780, trope che vien da fora, che no stà in Anpezo. L é sozie senpre pi inaante co i anes, con poche śoen. El 95 par zento ‘l é sozie che ‘l ea anche ignante; noma el 5 par zento ‘l é teseres noes, fates ‘l an pasà. Intrà dute, chi juniores i é el 7 par zento e chi śoen noma el 6 par zento. Che laora par ra teseres de i sozie ‘l é Michele Valle Da Rin. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper