La Usc di Ladins

Ra śente de Anpezo ra s'à ciatà inze ra basilica, par ra festa de san Felipo e Iaco apostole, i patrone de ra parochia, ai 3 de maśo. El pioan don Ivano Branbilla 'l à recorda che 'l an pasà 'l ea Mario Enrico Delpini, arcivescovo de Milan, par chesta festa in Anpezo. A ciantà mesa 'l ea ra Schola cantorum e inze jeja 'l ea i ome e ra femenes del consilio pastoral. L à parlà de ra storia de Cristo, de Felipo e Iaco apostole, Iaco el prin martire copà par ra fede par el Signor.

«Una comunità r'à el dover de fei de duto par el ben de dute. Par un paes come el nosc, no se pó fei demanco de aé fiduzia, par fei vive polito aduna ra parsones»–'l à scomenzà el pioan, inze ra so predica. Don Ivano 'l à dito pi otes che 'l é da aé fiduzia. Chesta de i sante Felipo e Iaco r'é una de ra festes de ra relijon par ra śente de Anpezo, un paes agnó che se sente tropo anche ra festa de voto, par ra Madona de ra Difesa, ai 19 de jenaro. Chel di i sara trope ufizie, anche de comun, e ra scores.

De plu tla edizion stampeda de La Usc di Ladins o sun l e-paper a paiament www.lausc.it/e-paper