La Usc di Ladins

El refujo Scoiattoli de Anpezo 'l à vento el "Best View Mountain Club Italia 2026", che i dà fora ogni an al refujo da agnó che 'l é pi bel vardà, agnó che 'l é pi bel vive, d'istade e d'inverno. L à vento intrà i 109 refuje de duta Italia, che i à zernù par ra prima Guida de i meo mountain club d'Italia. El premio i 'l à dà inze el Milano mountain show, a ra fin de otobre. Chel refujo 'l é stà fato su del 1969 da Lorenzo Lorenzi dei Pale, che 'l é stà guida in croda e capo del socorso Cnsas de Anpezo. L é su pede ra Penes de Naerou; ancuoi 'l é i so fioi Claudia e Guido che el fesc śì. Par dà chesto premio i à contà duto, i é śude a vede par tre mesc indrioman: el luó, el servizio, cemodo che 'l é fato e mantegnù el refujo, cemodo che se magna e se bee, duta ra atmosfera che se vive inze.

De plu tla edizion stampeda de La Usc di Ladins o sun l e-paper a paiament www.lausc.it/e-paper