Mencia pec meisc a la litazions che ai 3 de mé che vegn cognarà renovèr la aministrazions di Comuns e del Comun General de Fascia.
Endèna che a Trent e te etres comuns de la Provinzia i à jà tacà a ofizialisèr vèlch candidatura per rejer i Comuns maores, te noscia val fora che la declarazion de l’ombolt de Soraga Devi Brunel, che à dit ofizialmenter che no l se candidarà più per rejer sie paìsc, se sent desvaliva oujes, vèlch outa ence en contradizion una con l’autra, ma nia amò de segur.
Chel che l’é segur l’é che la doi formazions politiches antagonistes te val, la Sociazion Fassa e la Neva UAL, à jà scomenzà a se mever per chest apuntament lital de gran emportanza per Fascia.
Passà l biteboi de la festes da Nadèl, se à binà i diretives de duc doi i movimenc.
De più su La Usc stampèda de vender ai 17 de jené 2020. (lg)
L’é scomenzà la campagna litala
Sociazion Fassa e Neva UAL à tacà l lurier de contac e comunicazion per la litazions di 3 de mé.
Galaria retrac
View the embedded image gallery online at:
https://www.lausc.it/valedes-ladines/fascia/11719-l-e-scomenza-la-campagna-litala#sigProId87a34b3a74
https://www.lausc.it/valedes-ladines/fascia/11719-l-e-scomenza-la-campagna-litala#sigProId87a34b3a74