Embendapò, cognede saer che jà dant del 1800 te l’Inghiltera l’era n jech beleche valif a chel del balon. Chest jech l’era n muie populèr anter la clasc sozièles più basses, per sia violenza e brutalità. Col passèr di egn, l jech del balon l’é doventà populèr ence te la clasc più noboles e del 1857 l’é stat metù sù la pruma squadra universitèra, l Sheffield Club. Sie egn più tèrt, del 1863, unesc squadres de Londra se à troà per scriver jù l prum regolament del jech. Da chesta inant l jech l’é doventà semper più vardà e aprijià.
Del
View the embedded image gallery online at:
https://www.lausc.it/valedes-ladines/fascia/12955-balon-che-pascion#sigProId4e17301e6b
https://www.lausc.it/valedes-ladines/fascia/12955-balon-che-pascion#sigProId4e17301e6b
Ve domanarede: e te la Tèlia? Emben, la pruma squadra talièna la é del 1893, l Genoa Cricket and Athletic Club, te la zità, belimpont, de Genova, ence se l’é zachei che disc che la pruma sie stata l Torino Football and Cricket Club, metuda sù del 1887. Del 1898 l’é nasciù la pruma federazion talièna, la FIF (Federazione Italiana Football), doventèda dapodò FIGC (Federazione Italiana Giuoco Calcio).
Tel valif an vegn jià l prum campionat talian anter cater squadres de Genova e cater squadres de Torino. Se cogn però spetèr fin a la sajon 1929-1930 per veder l prum campionat jià con 18 squadres da duta la Tèlia, l prum a »giron unich« con n sistem de ponc. Enteressant l’é ence l fat che la pruma squadres les é states metudes sù da ingleisc o jent che era stata te l’Inghiltera e aea jà vedù chest jech. Del 1949 ge é stat permetù a la squadres de aer ence jiadores foresć, e dachelanvìa l jech à tacà a doentèr ence n sport co na valenza economica.
De più su La Usc nr 25 stampèda ai 26 de jugn (Sebastiano Vanzetta)