Event Lab, l laboratorie de la idees

Data

29 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Demò 15 posć a la leta per l nef projet firmà Inout.

Idees, talent, esperienzes: chisc i ingredienc che à cernù de durèr chest’outa Inout, en colaborazion con Circensema, per ge sporjer sie nef piat ai joegn de la val. 

N projet che à l met de ge ensegnèr ai joegn a meter en pe events de suzess, chest de gra a scontrèdes con esperc di social network, de marketing, de public relation e apontin de endrez de events.

Event Lab se dejoujarà via per l meis messèl scomenzan con lunesc ai 6 da les 5 domesdì col staff de endrez del Circen Dolomites Festival, ajache apontin l grop de Event Lab l tolarà pèrt a la registrazion del video-promo del gran event de jocolerìa.

Chi che podarà tor pèrt sarà i joegn fascegn anter i 14 e 19 egn e i posć a la leta i sarà demò 15 donca… chi che é enteressé pel domanèr en prescia de esser touc ite a la mail info@inoutfassa.com o tras whatsapp o telefon al numer de Thomas 349 6491192 dant dai 4 de messèl. La quota de iscrizion la é de 40 euro e la dèsc azess al cors, apede ence ai gadget del Circen Dolomites Festival 2020.  (Daniele Verra )