Pontèr demez da nef te Fascia: i resultac de la task force

Data

05 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En lunesc ai 29 de jugn te Comun general l’é stat prejentà l document de la comiscion tecnica metuda sù per ge fèr front a la emergenza sanitèra e economica
»Pontèr demez da nef te Fascia« l’é l’inom del document prejentà en lunesc ai 29 de jugn te Comun general de Fascia te na conferenza stampa chiamèda ite per portèr dant i ejic del desch tecnich metù sù per ge fèr front a la emergenza sanitèra e economica del Covid-19.
N desch tecnich che à serà sù sie lurier enstadì dò doi meisc de scontrèdes online coordenèdes da la procuradora e senatora Elena Testor e l sostegn del conseier provinzièl ladin Luca Guglielmi. Te chisc meisc i esperc Luca Nardelli (per la sanità), Giancarlo Torghele e Lorenzo Eccher (aspec legai), Umberto Martini, Giulio Misconel, Elisa Maccagni e l senator Gian Marco Centinaio (ambit economich e turistich), Carlo Vadagnini (ambit bancarie) e Virna Pierobon (comunicazion) à regoet analises, aprofondimenc legai e economics, à manà fora n sondaje e i à tout sù indicazions per la sajon da d’istà.
»L’é stat fat n lurier de squadra n muie emportant - à dit la procuradora Testor – per scutèr sù, entener e ge dèr respostes ai problemes tel curt temp, vardan ence al davegnir. N gran develpai ai componenc del desch che à lurà a distanza, debant, metan al luster ence l sens de comunanza che te Fascia e te dut l Trentin l’é doventà più fort endèna l’emergenza.«  

De più su La Usc di Ladins nr 26 di 3 de messèl