Romeo e Giulieta, n teater modern e fascian

Data

15 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I studenc de la Scola de Fascia che à tout pèrt al laboratorie de la Sociazion Antermoia à portà sun paladina la cognosciuda tragedia de Shakespeare con la regia de Michela Marangoni
Romeo e Giulieta se mana messajes sul fonin per se dèr apuntament sot barcon. »Ciao, gé son Romeo, can se troone?«; »Ciao, son Giulieta…«
Ma él chel Romeo e chela Giulieta? Él dalbon la storia e i personajes de la tragedia più de nonzech de William Shakespeare, scrita a la fin del 1500?
Ei, en domenia ai 5 de messèl su la paladina del PalaDolomites de Ciampestrin l’é jit en scena proprio »Romeo e Giulietta«.
Stel modern, scenografìa minimala, dialogs asvelc, paroles da generazion Z, guanc esotics e ritm, gran ritm segnà da museghes che »spaca«.
Sun paladina: Enrico Bernard, Lorenzo Bernard, Ilaria Brigadoi, Roberto Bolgiani, Daniele Chiocchetti, Emiliano Cinzol, Nicolò Dorich, Sofia Luci, Alessia Mazzilli, Magdalene Pellegrin, Desiré Partel, Sara Sommariva, Giulia Stoffie, Irene Tabanelli, Mattia Valentini. Regìa de Michela Marangoni.
E chiò merita scriver doi paroles de spiegazion del projet. »Romeo e Giulietta« l’é l’ejit del laboratorie de teater che fèsc pèrt del projet »Ragazzi in scena« che la Sociazion Antermoia à envià via te la Scola Ladina de Fascia col sostegn del Comun general de Fascia e de la Region Trentin Sudtirol. L referent de la scola l’é stat l professor Thomas Zulian che l’é stat fondamental te la promozion te la scola.

De più su La Usc 27 de vender ai 10 de messèl

En domenia ai 19 de messèl da les 21:00 te piazal tedant al PalaDolomites a Ciampestrin 25 scolees de la populères e de la mesènes i portarà dant »Mistero Buffo«, con la regìa de Michela Marangoni. Se sarà catitemp l vegnarà fat daìte. I posć é limité; se podarà tor pèrt enscin a l'esauriment di posć.
 (Monica Cigolla)