Che no fossa stat n unicum se l’aea jà capì l’an passà, canche la pruma edizion del Circen Dolomites Festival aea maraveà e entrategnù duc te Fascia, ghesć e fascegn, joegn e veies. Defat, dò l bon suzess de la pruma edizion l’é sun usc l secondo festival de jocolerìa del grop Circensema. Dai 2 ai 9 de aost se podarà veder artisć de vigni sort tant da la val che de nonzech nazionèl e internazionèl te n event che chest an é doventà amò più green: »L festival l’é vegnù fora su le trei tematiche che l’é l’aut, la marevea e l’ambient – à despiegà i doi Thomas, Zulian e Pederiva, del grop Circensema – l’aut e la marevea che lea tant l circo con sie sauc e emozions che nesc monc con sie spic e gran beleza e dapodò l’ambient che l’é n tem fondamental ence per chel che varda noscia raprejentazion«. L Circen Dolomites Festival à abù jà te la pruma edizion la zertificazion de Eco-eventi Trentino per sie stravardament e valorisazion de l’ambient, chest an smaorèda da la classificazion de Green Event Pro de gra a azions ecologiches amò più fones.
De più su La Usc 30 de vender ai 31 de messèl
(Daniele Verra)
