La Usc di Ladins

Lista »Vardon inant« con l candidata ombolta Manuela Spinel
 
Giuseppina Bravi
Luca Canal
Antonio Caputo
Fiorenzo Costazzer
Luciano Costazzer
Stefan Depaul
Nadia Giacomuzzi
Jasmine Grasser Mine
Debora Spinel
Victor Spinel
Giuseppe Tullio Valentini
Angela Verlicchi

Chiò podede lejer la pruma trei domanes che ge aon fat a la Candidata Ombolta. 
Podede troèr l'intervista entrìa su La Usc 35 ensema con l program.

Perché ve metede a la leta per rejer vosc Comun ti egn che vegn?
Son na persona determinada, usada a lurar n muie, imprenditora, femena e mare. Me é dedicà ence a la politica locala per ge dar ousc e soluzion ai besegnes de la comunanza no conscidré e scuté e per scombater chel ategiament de rassegnazion che l’é stroz e che fasc pissar che tant no se é bogn de mudar le robe.

Coluna él la robes miores che à caraterisà i ultimes 5 egn te vosc Comun?
L’é stat fat l PalaDolomites, na strutura n muie utola per l Comun, ma l’é stat fat te n post che sarà i egn a vegnir che ne dirà se l’é stat fat ben o no per na costion de manutenzion; le prume ciase te Fontanac, vincolade per 10 egn e dò 2 egn i à arbassà l vincol de 5 egn, chest no l’é tant na bona roba.

E colugn enveze i problemes o la dificoltèdes maores?
La roba più senestra te nosc Comun l’é rejonar con la maoranza, che no vel te scutar. La mozion Covid per ejempie i me l’à bociada ma dò i à fat l test sierologich e se tu dis zeche i te dasc de contra sul pian personal. Chisc 5 egn no se à abù n ombolt ma aon semper cognù spetar l Vizeombolt per dute le dezijion.