La Usc di Ladins

Unfat coche la jirà a finé, l ie stat na sajon da marueia: tan dancà ne n’àn mo mei udù l FC Gherdëina. Chësta ie nce la minonga dl presidënt Peter Rabanser: »Son scialdi cuntënc. Ne se assan mei mpensà de ruvé tan inant. L ie na gran marueia chël che i mutons à fat chëst ann. Śën sperons sambën de vëncer chësc ultim juech, ajache duc ëssa ueia de jì su de categuria. A udëi sce aron mo n iede chësta puscibltà«. Aldò dl presidënt ne fossa l saut de categuria nia n problem. L ne n’ie nia scialdi n majer lëur a mëter a jì n tel campiunat y na tel scuadra. I viages fossa mpue plu lonc, ma per l rest ne se mudëssa nia scialdi.
N spera sambën che truep tifosi vënie n dumënia dala sies domesdì a Trënt, tl stadio Briamasco, a sustenì chëi dl FC Gherdëina contra l Nago Torbole.

L sarà nce l’ucajion per saludé y ren­grazië l jugadëur Michael Bacher. Contra l Nago Torbole saràl si ultima partida.


SPM

Dut l articul pudëis liejer tla edizion atuela de La Usc.