La Usc di Ladins

Cinch egn i é passé, n luster da canche la jent de Cianacei, Dèlba e Penìa ge à dat azet al nef preve don Mario Bravin. L ruèa da Campiglio, olache l’era stat n muie benvolù e da olache, per chest, l’era ruà de bela neves per Fascia e en particolèr per la curazìes de Cianacei e Dèlba: »Se n va don Stefano, n preve joen che tant delvers l’à fat, soraldut tel tor ite i joegn te la Gejia, ma rua n preve autertant bon, un che se dèsc jù n muion per la comunanza e che, me pèr che i abie dit, l’é adertura ti studafech«.
E coscita l’era stat, che te sia pruma giornèda fascèna ai 25 de otober del 2015, duta chesta oujes se aea dit veres e l nef preve se aea sobito desmostrà persona averta e gustegola. Don Mario l’era stat compagnà con gran afet da sia jent e parochiegn te piaz Marconi, olache la autoritèdes, i gropes e la comunanza de Fascia lo spetèa. La festa se aea dapodò tramudà con na defilèda te la gejia del Sacro Cher per la messa. E chiò don Mario se aea prejentà a la comunanza con sia pruma perdicia e l’era stat tout ite dai studafech de Cianacei con n passaje de testamonech anter l comandant di Studafech de Campiglio e chel de Cianacei, che l’aea coscita tout sù con gaissa l nef component te sie grop.

De più su La Usc 43 di 30 de otober  (Daniele Verra)