La Usc di Ladins

Cunìe, eves, ponjins, gialine, fiores de ogne color, de legn, de papier e de peza ciuta fora sui brenc ti paijes de Vich, Poza e Pera e soe frazion. Te ogne piz e cianton n’é un, un più bel che l’auter, rencurà te ogne particolar, valch un da le picole man zevile di bec, valch auter da chele più esperte di gregn.

“L’idea la é nasciuda da le femene del Comitat Manifestazion de Vich – ne contà Antonella Winterle conseiera de Comun de Sèn Jan che à coordenà la scomenzadiva – che dò se aer cruzià de fornir sù i festii per Nadal e Carnascial le volea far zeche ence per Pasca. Se aon pissà che fossa stat bel tor ite dut l Comun de Sèn Jan e soe frazion e l’é stat dalbon n muie de jent che me à chiamà per voler tor part e se meter a la leta per fornir sù n brenz. En dut i é 34 e duc n muie bie. La vertola per jir a i veder l’é la ciacia a l’ef: te ogne festil l’é sconet n ef particolar che se cogn troar e segnar su la mapa endrezada aldò che dapò se cogn portar deretorn te le Coprative de paisc per ciapar en don n bel ef de ciocolata."

La ciacia a l’ef jirà inant fin ai 18 de oril per permeter a duc de aprijiar chisc bie fornimenc. E con chisc bie retrac ve sporjon a duc de bie augures de Bona Pasca.

De più, con desvalives retrac, su La Usc stampèda de vender ai 2 de oril.